بلوچی زبان و ادب

بُڑزیں کوہی رہنغے چکا یہ بانزے نشتغااث۔یہ چڑی یے دِہ پہ اوذا گوئستہ۔چڑی ئا گوئشتہ،" بھوتار! سلام"۔ بانزا گوں زوم و تکبُّرا  آنہی پھلوا دھیاں کثو مٹھائیغا گوئشتہ،" والسّلام۔" چڑیءَ پھول کثہ،"واجہ!بھڑئے، تکڑائے،حیر مہر استیں؟۔" بانزا ہونگارتو " ہوں" کثہ ۔تی برے گوئشتئی،" گوئر ما حیریں۔ بل ترا زاناں کل نیستیں کہ ما بانز مرگانی بادشاھوں؟۔ترا گوں مں گالوار کنغی نیاث داں کہ مں وث گوں تئو گالوار مہ کثیں۔" چڑی ئا گوئشتہ،"مئی تہ خیال اث کہ ما کل یہ خاندان ئیغوں"۔ بانزا گوں زہرا آنہی پَلّوا دھیاں کثو گوئشتہ،"کِثاں گنوخا گوں تئو اے ٹونک کثہ کہ ما یَہ خاندان ئیغوں"۔ چڑی ئا گوئشتہ،"گڈا واژہ ئا ڈسغی  کفتئوں کہ مئی بال شہ تئی بال ئا بُڑزیں۔مئی توار شہ تئی توارا وھشیں۔مئی توار دومی ساہدارانی دل وھش کنت۔آذینکہ تئو چھوش کث نکنئے"۔ اے اشکثو بانزا ساڑ لگثہ،"سِرّثو گوئشتئی،"بلا دف پٹ!  بارا بوٹ!!!۔یہ چمبہ یے ئے نبئے ۔ تھرّئے دِہ کھائے مئی دیما گالوراں کنئے۔ چُپا کن!!۔ ناہیں ترا جوائیں سبقے سیکھالاں۔" اے اشکثہ چڑی...

یہ بیگہیا سَکّیں ھَور گواریشے بیئغ اث۔یَہ پادری یے وثی گِرجا نیاما موجود اث۔یہ غیر عیسائی زالیا  آتکہ شہ آنہیا پھول کثہ۔ "اَے مُکَدّسیں راہب ! مں عیسائی یے نیاں۔مئی واستائا شہ دوژہ ئے آسا خلاسی ئے راہے استیں یا نیستیں"۔ پادریا انیشغا ترونڑ داثو آنہی پلوا دھیاں کثہ او گوئشتئی۔ "ہِچ راہ نیستیں۔خلاسی چڑوئیغا ھمانہانی نصیبا ایں کہ شہ پاکیں رُوح ئا بپتسمہا گفتغاانت۔۔۔۔۔۔۔۔۔۔۔" پادری دائیں گالوار اث کہ ترُندیں گرندییا گوں گرجا چھکا نفتے کفتہ۔او گرجا یکدم آسا گفتہ۔  شہ شہرا مخلوک درِکّانا آتکہ۔ آنہاں آتکہ زال تہ شہ آسا دربڑتہ۔بل اے نیامغا پادری سُتکئو سیاہیں کولہ بیثہ۔  کولہ، آس ئے بالنڑ۔ https://www.balochiadabisangat.com/

دو مڑدم راہا روغ اثنت۔دوئیں پث بچ اثنت۔یَہ  کھرے دِہ مہار کثغا پجیا گون اِثِش۔ روانا روانا دَگّا یَہ مڑدے دیثئیش۔ آں مڑدا دوئیں پث بچ گوں کھرا کہ دیثغنت۔راگانی او چَہوہانی کنغ شروع کثئی کہ چیں گنوخیں مڑدم انت۔ کھرا مہار کثغا برغنت چڑھنتی ناں۔ اے گالوار اشکثہ پثا بچ کھر چکا نیاذینتہ۔ وث کھرئے مہار گفتئو راہا رائی بیثہ۔  روانا روانا راہا یکے تی مڑدے تریٹثئیش۔ آں مڑدا اے دوئیں کہ دیثغنت رفتہ چوروا شغان تانہہ کنغا کہ چیں نالائکیں ،چیں زالمیں بچ یے۔ چیں ناروائی یے کنغیں۔ وث کھرا سواریں او پیریں پِثا پیادغیغاجزینغ ایں۔ اے گالوار اشکثہ بچ لیزم بیثہ شہ کھرا  ایر کفتہ ۔ پث کھرا سوار کثئی۔ تَرّثہ اے دَگّا روانہ بیثغنت۔ رواناروانا اغد تی مڑدے ٹکرتئیش۔ آنہیا پِثا پھیٹ لانت کنغ شروع کثہ۔کہ وث تہ کھرا سواریں او بُلوئیں،مَہسُومیں چُکا پیاذغیغا ٹورغیں۔ اے ٹونک اشکثہ پِث لجی بیثہ۔ بَچّا را گوئشتئی تئو دِہ بیا کھرا سوار بی۔  نی پِث بچ ہردوئیں کھرا سواریغا روغ اثنت۔یکے تی مڑدمے ایشاں گندیث۔ گوں گِندغا  لانت ملامت کنغ شروع کنت اِش کہ شا چیں زالمیں آدمی یے۔ شار گنگدام ئے غریبئے پیڈ ...